ወንበር ክፍልንም፤ አስተሳሰብንም ይለውጣል

በ ናዖድ ቤተሥላሴ

ለሁሉም ጊዜ አለው እንዲል መጽሐፉ፤ ቤተክርስቲያናችን እና ወላጆች ለልጆቻችን ትምህርት ቤት እንዲሟላ ከሚፈልጉት እና ከሚመኙት ነገሮች አንዱ የሆነው የመማርያ ወንበር ጉዳይ በአብዛኛው ተቃለለ።

በዚህ ዲሴምበር ውስጥ፤ ትምህርት ቤቱ ከቤተክርስቲያን አስተዳደር ባገኘው የአስቸኳይ ጉዳይ ብድር 120 (አንድ መቶ ሃያ) ወንበሮችን ለመግዛት ችሏል። ግዢው በአስቸኳይ ጊዜ ብድር የተከናወነው የወንበሮቹን ግዢ የት/ቤቱ አስተዳደርም ሆን የቤተክርስቲያኑ አስተዳደር በዚህ ዓመት እቅዳቸውም  ሆነ በጀታቸው ይዘውት ስላልነበረ ነው። ግዥውን አስቸኳይ ያደረገውም ወንበሮቹ ዲሴምበር መጨረሻ በሚጠቃለል ታላቅ ቅናሽ ላይ በመቅረባቸው ነው።

አዲሶቹ ወንበሮች በአሁኑ ሰዓት ለመማሪያ ክፍሎቹም ሆን ለተማሪ ልጆቻችን ግርማ ሞገስን ሰጥተው፤ ለት/ቤቱ እና ለቤተክርስቲያኑም አስተዳደር ተስፋ ያለው የአገልግሎት ግብብነት እና ቅንነት መታሰቢያ ሃውልት ሆነው በየክፍሎቹ ተደርድረዋል።

እግር ጥሎት የመማርያ ክፍሎቹን የጎበኝ ወላጅም ሆን ካህን የሚያሳዩት መደሰት በራሱ ደስታ ይፈጥራል። ጎብኝዎች ታዲያ ከደስታቸው በኃላ ይሚናገሩት ቃላት ወንበሮቹ በሚያያቸው ላይ ሁሉ የአስተሳሰብ ለውጥ እያመጡ እንደሆነም ነው። ማስረጃ፦

1.      ሳይለመኑ ለወንበሮች ግዢ ሒሳብ ማወራረጃ የሚሆን የገንዝብ መዋጮ ይሰጣሉ ወይ ቃል ይገባሉ

2.      ካህናቶችም ለልጆቻችን ተጨማሪ አገልግሎት ሊሰጡ ቃል ይገባሉ (ለዚህም እነሆ በቅዳሴ ሰዓት ልጆቻችን በመማርያ ክፍሎች ሳሉ የማዕጠንት ቡራኬ ይደረግላቸው ጀምሯል)

3.      ነባር አገልጋዮች በግል እና በጋራ ሊያደርጓቸው የሚመኙትን ሃሳብ «ከእግዚአብሔር ጋር እንችላለን» በሚል መንፈስ ማሰማት ጀምረዋል

4.      አንዳንድ ግለሰቦች ጋር የነበረ «አስተዳደሮች እሺ አይሉም፤...» ወዘተ የሚል ስጋት እና ሰበብ ከአንደበታቸው ጠፍቶ ወድ «እንጠይቅ» እና «እናድርግ» ባይነት ሲሸጋገሩ አስተውያለሁ።

አዲሶቹ ወንበሮች ግን እንከን የላቸውም ማለት አይቻልም። ተማሪዎችም ሆነ አስተማሪዎች የተስማሙበት አንዱ እንከን የደብተር/ፎልደር ማስቀመጫ ኪስ ወይም ቦታ አለመኖር ነው። ለዚህ መፍትሔ የሚሆን መላዎችም በአስተዳደርም ሆን በግለሰቦች ዘንድ እየተብላሉ ናቸው። ወጪ ቆጣቢ መላ ካታያችሁ ጠቁሙን።

ሌላው እንከን ወንበሮቹ በምቾት ሲያገለግሉ የታየው እድሜያቸው ከ6 -13 ለሚደርሱ ተማሪዎች መሆኑ ነው። ለዚህም የተሻለ ጥናት እና መፍትሔ እስኪገኝ ድረስ፤ ዕድሚያቸው ከ6 በታች ለሆኑ ተማሪዎቻችን በድሮዎቹ ወንበሮች እንዲገለገሉ ትተናችዋል (ከሃዘን ጋር)። የተሻለ መፍትሔ ካላችሁ ጠቁሙን።

ወንበሮቹን የገዛነው ከ እዚህ ነው ፤ ቅናሹ ሳያልፍ ሞክሩ።https://www.schooloutfitters.com/catalog/product_family_info/pfam_id/PFAM41827

ምስጋና ወ ወቀሳ ለየቀድሞዎቹ ጠርጴዛና ወንበሮች

 ይድረስ ለ ቀድሞ ወንበሮቻችን እና ጠረጴዛዎች።
በጊዜያችሁ ልጆቻችንን በትዕግስት ችላችሁ፤ ድንቅ አገልግሎት ሰለሰጣችሁን የእናንተንም ሆነ ወደ እኛ ያመጧችሁን በጎ አድራጊዎች ውለታ እግዚአብሔር ይቁጠርላችሁ። አሁንም ቢሆን ወይ ገንዝብ ወይ ልዩ አገልግሎት የመስጠት እድል ታገኙ ዘንድ ስቶር  በክብር አስቀምጠናችኋል።

ቢሆንም! ቢሆንም!  ድሮም አመጣጣችሁ ከየትምህርት ቤቱ አገልግሎታችሁን ጨርሳችሁ እኛ ላይ የተጣላችሁ ስለሆናችሁ ጎድታችሁንም ነበር።

• 1ኛ   )   እኛን ወላጆችን፤ ለልጆቻቸው አዲስ ነገር መግዛት የማይችሉ የኔቢጤ አስመስላችሁን ነበር::
• 2ተኛ)   በቤተክርስቲያን አስተዳደር ዘንድ የልጆች አገልግሎት «ትምህርት ቤት» በሚል ማዕረግ ታስቦ፤ በቂ በጀት እና ትኩረት እንዳላገኘ ላያችሁ ሁሉ እያሳበቃችሁ ስታሳቅቁን ነበር።
• 3ተኛ)   ልጆቻንንም ያለ እድሚያቸው አስረጅታችሁ ተማሪ ሳይሆን ተጧሪ አስመስላችሁብንም ነበር ባይ ነኝ።

ይሄ ጉዳታችሁ የተገለጠልኝ መቼ እንደሆን ታውቃላችሁ! አዲሶቹ ወንበሮች ለጋ ልጆቻችንን በ «ወንበራዊ ፈገግታ» ፈገግ ብለው ሲያገልግሉ ባየሁ በመጀመርያው ቀን ነው።

አንባብያን ሆይ! «ወንበራዊ ፈገግታ» ምን ማለት እንደሆን ለመግለጥ ቃላት የለኝም። ለማወቅ ከፈለጋችሁ ግን መጀመርያ  በአዘቦት ቀን ኑ ና ባዶ ክፍል ተደብረው እዩዋቸው። ከዚያ ደግሞ እሁድ ኑና እዩዋቸው ወንበሮቹ ፈገግ  ብለው ታያላችሁ። ወንበሮቹ ሁሉ፤ ሁል ጊዜ ልጆች እንዲቀመጡባቸው የሚፈልጉ ይመስለኛል።

እግዚአብሔር የቅንነታችሁን ዋጋ ይክፈላችሁ

ከናኦድ ቤተሥላሴ

የልጆቻችን ትምህርት ቤት ከወላጆች ያገኛቸው እና የሚያገኛችው ብዙ ዓይነት አላቂ እና ቋሚ ዕቃዎች አሉ።

• የኮምፒውተር ወረቀቶች፤ እርሳሶች እና እስክሪቢቶዎች፤
• ኮምፒውተሮች፤ ፕሪንተሮች፤ የፕሪንተር ቀለሞች፤ የፕሮጀክተር ስክሪኖች፤
• አሻንጉሊቶች እና የምርቃት ዝግጅት ቁሳቁሶች
• ገንዘብ ወዘተ…በዓይን ከሚታዩት ነገሮች ዋና ዋናዎቹ ናችው።

በዓይን የማይታዩ፤ በገንዘብም የማይተመኑ ብዙ ዓይነት ስጦታዎችን ለምሳሌ:- ጊዜ፤ ጉልበት፤ክህሎት፤ ፍቅር፤ ትዕግስት ወዘተን … ለልጆቻችን የሚለግሱ ወላጆች እና ወጣቶችም አሉ።

ይህንንም ማስታወሻ የጻፍኩት፤ የትምህርትቤታችን አስተዳደር እና አገልግሎት አድጎ እና ተደራጅቶ ለለጋሾችም ሆነ ለአገልጋዮች የምስጋና ደብዳቤ ወይም ሰርቲፊኬት መስጠት እስኪጀምር ድረስ፤ ወይም የታክስ ክሬዲት ማሰጠት እስኪጀምር ድረስ፤ ወይም በተመደቡለት ካህን አማካኝነት ለለጋሾች ሁሉ ቡራኬ እና አንድ አቡነ ዘበሰማያት ማስሰጠት እስኪጀምር ድረስ፤…. የጅምላ ምስጋና ለማቀረብ ነው። ዋናው ሰበቤ ግን አቶ ሳልቫቶሬ ቡሽሜ ናቸው።

አቶ ሳልቫቶሬ ሚካኤል ቡሽሜ

ዛሬ 10/23/2015 ከ ረፋዱ  ላይ ለልጆች ክፍል የሚጠቅሙ 30 የሚሆኑ ወንበሮች እና 26 ጠርጴዛዎችን በአቶ ሳልቫቶሬ ሚካኤል ቡሽሜ ተለግሰናል። እቃዎቹ ያገለገሉ ቢሆኑም የልጆቻችን ትምህርት ቤት የተሻሉ ወንበሮች እስኪገዛ ድረስ ጥቅም ላይ ሊውሉ ይችላሉ ባየ ነኝ።

አቶ ሳልቫቶሬ ይህንን ልግስና ያደረጉት የልጆችን ትምህርት ቤት ጠጋ ብለው አይተው ምን ልርዳ? ከማለት በተጨማሪ ባለፈው እሁድ መምህራን ባደረጉት አስቸኳይ ስብሰባ ላይ በአጋጣሚ ተገኝተው ከሰሙት የወንበር ችግር የተነሳ እንደሆን ገልጸውልናል።

የተስፋ ወንበራችን

እግዚአብሔር ቢፈቅድ በቅርቡ የተለገሱንንም ሆነ የነበሩንን የልጆች ወንበሮች እና ጠረጴዛዎች ሁሉ በአዲስ እና የተሻሉ የኮሌጅ መሳይ ወንበሮች ይተካሉ ብዬ አምናለሁ። ያገለገሉትም ወንበርና ጠረጴዛዎችም፤ የልጆች ት/ት ክፍል እና የደብሩ አስተዳደር በመረጡት መንገድ ለምሳሌ ለሌላ ደብር የልጆች መማርያ እንዲሆን በመለገስ፤ ወይም ሸጦ ገቢውን ለልጆች ት/ቤት ማጠናከሪያ ወይ ለቤተክርስቲያን መርጃ በማድረግ፤ ወይም በሌላ የተሻል አማራጭ ይወገዳሉ። 

እቃዎች ሲያረጁ አርጅቶ የማይጣለው፤ አገልግሎቶች ሲረሱ በእግዜር ዘንድ ግን የማይረሳው የበጎ አድራጊዎች ቅንነት ነው። ለቤተክርስቲያን የተለገሱ ነገሮች ጥቅም ላይ ዋሉም አልዋሉም፤ የተደከሙ ድካሞች ፍሬ አፈሩም አላፈሩ፤ የአቅማቸውን የሰጡ እና የችሎታቸውን ያገለገሉ ሁሉ በጊዜው የእግዚብሔርን ስጦታ መቀበላቸው እንደማይቀር አምናለሁ።

ስለዚህ…. በተለይ 

• እርዱ ሳትባሉ «ምን ልርዳ?» ላላችሁ፤ 
• ለምኑኝ ሳትሉ የምትችሉትን ለሰጣችሁ፤ 
• «ቢያደርጉ ኖሮ» ከማለት ፋንታ «እኔ ልሞክረው » ብላችሁ ራሳችሁን የመፍትሔ አካል ላደረጋችሁ፤ 
• ልጅ ሳትወልዱ ወይ ተማሪ ልጅ ሳይኖራችሁ ከወላጆች በላይ ለልጆች ቋንቋ እና ሃይማኖት ለማስተማር ለተጋችሁ፤ 
• ከሳምንት ሳምንት አገር አቋርጣችሁ የልጆች ክፍልን ለረዳችሁ፤ 
• የዕለቱን ችግር ትታችሁ ወደ ፊት ልጆቻችን ማን ይሆናሉ? ማንንስ ይመስላሉ? ብላችሁ ለተጨነቃችሁ 

ቅን አገልጋዮች፤ ወላጆች፤ አስተማሪዎች እና ረዳቶች ሁሉ እግዚአብሔር የቅንነታችሁን ዋጋ ይክፈላችሁ።

አሁን ያሉን የበጎ ፈቃድ አገልግሎት መስኮች Current Volunteer Position at D.M. Kidus Mikael Cathedral Kids Dept

ለመምህራን እና ወላጆቸ በወር ወይ በሁለት ወር ወስጥ 1 ወይም 1/2 ካገኛችሁ፤ ለወር የሚበቃ ስራ ትሰራላችሁ። 

እግዚብሔር ጉልበታችሁን ይባርክ።

First= Pick a task and let me know what DAY and TIME you can volunteer.
Second= See me On Sunday to customize the task to fit your skill.

     Priority= Urgent, High, Medium, Low

All hands-on tasks do not require special skills.
All projects will be done by a team of two or three people with similar set of skills.

	የሥራ መደብ & Priority		የሥራው  ዓይነት	የሥራ ቀን/ የሚፈጀው ሰዓት	የሥራው ጠባይ	የሥራ ቦታ/ሰዓት
A	Classroom (Urgent)	1-	Classroom Teach, Assist Teachers, Assist Kids Clean and Organize Rooms	እሁድ 30 ደቂቃ	Hands-on	ቤ/ክ 8-11
		2-	Patrol Enforce Codes of (Dressing, Time, Games, Wondering kids)	እሁድ 1 ሰዓት	Hands-on	ቤ/ክ 8-9
		3-	Special Need Student Support (Organize, Teach, Assist Teachers)	እሁድ 30 ደቂቃ	Hands-on	ቤ/ክ 8-11
B	Office (Urgent)	1-	Re-fill Classroom Kits (Pencil Sharpening, Copying/ Binding Typing/Editing, Filing/Labeling)	ሰኞ-ዓርብ 2 ቀን በሳምንት	Hands-on	ቤ/ክ 11-5
		2-	Inventory (Record/Tag Recommend)	ሰኞ-ዓርብ 1/2 ቀን በሳምንት	Hands-on	ቤ/ክ 11-5
C	IT (High)	1-	Data (Data Entry… Attendance, Forms…)	ሰኞ-ዓርብ ½ ቀን በሳምንት	Hands-on	ቤ/ክ 11-5
		2-	DB (MS Access) (DB design)	- 1 ወር	Project	እቤት
		3-	Web (Write or Edit, Upload, Publish, Update)	- 1 ቀን በሳምንት	Project	እቤት
		4-	Computer svc (Install, Configure, Maintain, Network)	- 1 ቀን በወር	Project	ቤ/ከ-እቤት
D	R & D (Medium)	1-	Research (Plan, Conduct, Summarize)	1 ቀን በሳምንት	Project	ቤ/ከ-እቤት
		2-	Training (Staff & Parents) (Announce, Register, Organize, Conduct)	እሁድ 1 ቀን በሳምንት	Hands-on	ቤ/ከ-እቤት
E	Media (Medium)	1-	Print Media (Teaching Aide (Design/Create, Write/Edit, Duplicate, Distribute))	2 ቀን በሳምንት	Project	ቤ/ከ-እቤት
	(Low)	2-	Digital Media (Prepare Teaching Aides (Design/Create, Edit/Produce, Duplicate, Distribute))	1 ቀን በሳምንት	Project	ቤ/ከ-እቤት
F	Extra Curriculum (Low)	1-	Clubs (Tutoring Kids, Field Day, Yaredawi Zema, Exhibition, Competition, Social Service)	½ ቀን በሳምንት	Project	Home
		2-	Art & Craft (Teaching Aide Design and production, Spiritual Décor (posting church icons in classrooms))		Project	Home